ប្រជាកសិករខេត្តបន្ទាយមានជ័យ ពេញនិយមធ្វើស្រូវប្រាំងច្រើនជាងស្រូវវស្សា
11-June-2018 | ដោយ ពលមនសិការ
បន្ទាយមានជ័យ៖ ដោយយោងតាមរបាយការណ៍ខែឧសភាឆ្នាំ២០១៨នេះ នៅខេត្តបន្ទាយមានជ័យប្រជាកសិករបានពេញនិយមធ្វើស្រូវប្រាំងច្រើនជាងស្រូវវស្សារហូតដល់៣៦,២៩៥ហិតាដែលត្រូវបានទទួលនៅអំឡុងខែកក្កដាខាងមុខនេះ។
ដោយយោងតាមរបាយការណ៍មន្ទីរកសិកម្ម រុក្ខាប្រមាញ់ និងនេសាទ ខេត្តបន្ទាយមានជ័យ នៅខេត្តបន្ទាយមានជ័យមានផ្ទៃដីដាំដុះមាន៣៦៤,៦៥៧ហិតាក្នុងនោះមានដីស្រែ៣០៨,៩០៧ហិតា ក្នុងនោះធ្វើស្រូវប្រាំងមាន៣៦,២៩៥ហិតាស្មើនឹង១៦៤,៩៨%នៃផែនការដាំដុះ២២,០០០ហិតា។
ប្រជាកសិករស្រុកមង្គលបូរីបានបញ្ជាក់ថា ស្រូវប្រាំងដែលជាស្រូវប្រភេទទួលផល៧៥ថ្ងៃ និង១០៥ថ្ងៃគឺនិងប្រមូលផលនៅ ខែកក្កដា ឆ្នាំ២០១៨ ខាងមុខនេះដោយមួយរដូវអាចធ្វើបាន២ទៅ៣ដងតាមស្ថានភាពទីកន្លែងដែលមានប្រព័ន្ធទឹក។
តែឆ្នាំនេះប្រជាកសិករធ្វើស្រូវប្រាំងលឿនជាងឆ្នាំមុនដោយឆ្នាំនេះទឹកភ្លើងមានដើមដៃទើបប្រជាកសិករធ្វើស្រូវប្រាំងបានលឿនដោយឃើញដើមដងល្អជាងឆ្នាំមុនអាចថានិងទទួលផលកាលពីឆ្នាំ២០១៧ក្នុង១ហិតាជាមធ្យមស្រូវអាយុ១០៥ថ្ងៃ សែនក្រអូបទទួលផលបាន ៥ទៅ៦តោនដំបូង១តោនលក់ បានតម្លៃ១លានរៀល និងស្រូវអាយុ៧៥ថ្ងៃមានស្រូវណាំបុងទទួលផលបាន៦ទៅ៦តោនកន្លះ១តោនតម្លៃ៦០ម៉ឺនរៀល។
ប្រជាកសិករសង្ឃឹមថាស្រូវប្រាំងដែលធ្វើនិងទទួលផលដំបូងអាចមានតម្លៃខ្ពស់ជាងឆ្នាំកន្លងទៅទើបអាចរស់ចំណេញខ្លះក្រោយកាត់ថ្លៃភ្ជួររាស់ព្រួសនិងថ្លៃជីថ្នាំបាញ់និងថ្លៃច្រូតនិងប្រមូលផល ៕
ចំនួនអ្នកទស្សនា
- ថ្ងៃនេះ6371
- ម្សិលមិញ9421
- សប្តាហ៍នេះ62031
- ខែនេះ177181
- ឆ្នាំនេះ177181
- សរុប20619637